Отворање на 12-от Саем на европската литература
Презентација на проектот ЕUREKA
Јазик: македонски
Саемот на европската литература е традиционална програмска целина на BookStar, посветена на средбата меѓу македонските читатели и современата европска книжевност.
На едно место се среќаваат автори, преведувачи, издавачи и читатели од различни европски книжевни и културни средини, отворајќи простор за разговор, размена и откривање нови гласови.
Меѓу другото, ќе можете да ги набавите книгите добитнички на престижната Награда за литература на Европската Унија, новите изданија на македонските класици и современи гласови, книгите од наградуваните автори, изданијата на неколку издавачки куќи, како и други актуелни наслови од најдобрата европска и македонска продукција.
Акциските цени ќе важат единствено во Лабораториум за времетраењето на Фестивалот и во книжарницата „Антолог“ – Центар.
