МАПА НА ТИШИНАТА: ЗАГУБАТА, СЕЌАВАЊЕТО И НЕВИДЛИВИТЕ ЖИВОТИ
Разговор со авторите Мартина Видаиќ и Јап Робен
Модератор: Владимир Јанковски
Некои приказни не завршуваат со загубата. Тие продолжуваат во сеќавањата, во предметите што остануваат зад нас, во празните места и во тишината што понекогаш зборува погласно од зборовите.
Во оваа книжевна средба, Мартина Видаиќ и Јап Робен ќе разговараат за загубата и начинот на кој таа го менува нашето сеќавање, за луѓето и приказните што лесно остануваат невидливи, но и за моќта на книжевноста да им даде глас на она што често останува премолчено.
Двајца автори од различни книжевни и културни средини ќе се сретнат околу темите на отсуството, меморијата, ранливоста и човечката потреба да ги сочуваме оние што веќе не се со нас.
Разговорот ќе се одвива на англиски јазик и ќе го модерира Владимир Јанковски.
