Жарко Кујунџиски
Жарко Кујунџиски (Скопје, 1980) е македонски романсиер, есеист, драмски автор, поет, книжевен и филмски критичар, преведувач и издавач. Дипломирал и магистрирал на Филолошкиот факултет „Блаже Конески“. Автор е на 14 книги, а неговите дела се преведени на повеќе јазици и застапени во бројни антологии, меѓу кои The Best European Fiction 2013. Добитник е на повеќе книжевни и други награди, меѓу кои „Стале Попов“, „DeBuren“, „13 Ноември“ и „Блаже Конески“.
Основач и иницијатор е на повеќе значајни културни проекти, меѓу кои меѓународниот книжевен фестивал „BookStar“, наградата за најдобар превод „Драги“, платформата writers.mk и мобилната книжарница „Зборче“. Член е на Друштвото на писателите на Македонија и на македонскиот ПЕН-центар.
© Aleksandar Kotevski