ЖИВКО ГРОЗДАНОВСКИ
Македонија
Живко Грозданоски (1986) е македонски писател и актуелен претседател на Друштвото на писатели на Македонија. Автор е на повеќе збирки раскази, романи, книги за деца и поезија. Во 2020, под логото на „Булевар ослободување“, ја објавува тријазичната (на македонски, на грчки и на англиски) тематска антологија „Да сум на твое место“, која е сочинета од поетски и прозни творби од тринаесетте автори на „рецензии“ застапени во „50 раскази“. Во 2021 година во „Чудна шума“ објавува „Пет приказни од целиот свет“, на која во 2022 г. Македонската асоцијација на издавачи ќе ѝ ја додели првата награда за најдобра книга за деца објавена помеѓу две изданија на Скопскиот саем на книга. Во 2023 г. од печат излегува „Белите глувчиња, Страшната наезда на зелените вошки, Црните овци“, која на фестивалот „Литера“ во 2024 г. ја добива наградата за најдобар текст. Води работилница по креативно пишување автофикциски расказ.
Последното име на иднината
Едно дете го придружува дедо си до блискиот рид над градот, каде што пуштаат балони со хелиум кон небото. Во еден миг балонот исчезнува, а на негово место се појавува мала бела птица.
Таквите денови стануваат убави сеќавања, но детето израснува во човек со мал невидлив дефект под градната коска – телото често му го разјадува празнина и тој станува опседнат со стареењето на луѓето. „Враќање дома“ треба да биде единственото друго име на староста. „Тишина“ е второто име на Зале, реката отаде прозорецот. Иднината има илјада имиња, но кое е последното?
Приказна за животот на Јоха, инженер за тунели од Јена, Источна Германија, чиј живот од корен се менува откако ќе биде испратен да работи во едно испустено место на југот од Босна и Херцеговина. Приказна за телата, осаменоста, патувањата и за животот што го живееме и го замислуваме и на кој успеваме и сакаме да се сеќаваме. Приказна за еден човек што, најпосле, го води својот внук на блискиот рид од детството, гледа во балонот во неговата мала рака и помислува на тоа како сите нешта – во свое време и на чудесен начин – си доаѓаат на свое место.