ФРАНЦИЈА
Извршна директорка на издавачката куќа „Агило“ од Бордо
Надеж Агило е извршна директорка на издавачката куќа „Агило“ која објавува современа проза и е специјализирана за европска литература. Родена е во Бордо и посетувала правни студии за авторски права во нејзиното родно место. По студиите времето го поминува меѓу Лондон и Париз каде што работела продажба на авторски права за странство за издавачките куќи „Карлтон“ и „Мишел Лафон“. Во 2011 се вратила во Бордо и ја коосновала нејзината прва издавачка куќа „Мирабол“. Во 2015 ја коосновала издавачката куќа „Агило“.
Taa е причината за француските преводи на делата на некои од најпродаваните европски автори како Зигмунт Милошевски од Полска, Јана Вагнер од Русија и Јурица Павичиќ од Хрватска. Во својата кариера има учествувано на бројни професионални литературни програми во Хрватска, Словачка, Чешка, Латвија, Литванија, Украина и во Грузија.
„Агило“ е независна издавачка куќа чии дела се дистрибуираат преку „Интерфорум“, дел од групацијата „Едитис“, која е меѓу лидерите во издавачка дејност во Франција. „Агило“ издаваат десетина книги годишно и од 2021 се фокусирани на современата европска литература. Објавуваат преводи на книжевни дела од земји чии јазици бележат помала користеност, фокусирајќи се на земји од Централна и од Источна Европа, како и од Балканот. Нивното издаваштво опфаќа над дваесет автори од цела Европа, меѓу кои Србија, Хрватска,Босна, Романија и од Молдавија.
Досега, „Агило“ нема соработувано со македонски автори, затоа Надеж одлучи да биде дел од второто издание на програмата „Publishing Europe Fellowship“, со цел подобро да ја запознае македонската литература и да го најде совршениот избор за „Агило“.