ИЗАБЕЛ ВЕРИ
Белгија
Изабел Вери е белгиска писателка и актерка. Глумела во неколку театри од Франција, Италија, Белгија и ОК. Поради своите танчарски и пејачки способности учествувала во мјузикли и во филмови. Авторка е на три книги.
Обескостена
Превод: Маргарита Терзијан-Маленкова
Мeрилин Терки пишува роман. Од своето детство таа е фасцинирана од романтичните средби и е опседната со идеите за партнер. Додека го пишува романот, се навраќа на делови од своето минато, нурнувајќи се во сеќавањата за својот интимен и експлицитен љубовен живот. Романот е во три дела. Првиот се одвива на возраст помеѓу шест и осум години, вториот како млада девојка, а третиот „тука и сега“.
И јазикот и стилот се крајно разбранувани и ги откриваат слободите што ги имаме денес. Потрага по љубов, по идентитети, средба со виша сила, соочување со смртта. Сето тоа ја открива харизмата на авторката, нејзиното мошне женско опишување на нештата, со необична искреност.
„Обескостена“ е добитник на Европската награда за книжевност во 2013 година.