Креативна работилница со Франсис Кирпс (Луксембург)
Долго време се зборуваше за минатогодишната работилница која пред преполното Џебно кино во МКЦ ја одржа Кристина Гавран од Хрватска. А сега ви подготвивме нешто подеднакво специјално!
Од „најбогатата држава во Европа“ ни доаѓа Франсис Кирпс, човек кој пред сè е богат со своите таленти и моќ да ги разоружа слушателите на своите настапи, каде и да е тоа низ Европа. Зборува англиски, германски и француски, а ќе говори за многу нешта поврзани со слемот и со неговото развивање – основите, историјата, натпреварите, пишувањето, односот со сродни форми (стенд-ап, театар), а ќе ја открие и „тајната“ на неговиот успех. Не е за пропуштање!
Јазик: англиски
Времетраење: 45 минути
Пријавете се на: bookstar@antolog.mk најдоцна до 30.09.2023 година.
