Јордан Коцевски (1983) ја започна кариерата во академската сфера и во 2014 година се здобива со титулата Доктор по менаџмент во туризам и угостителство. Има напишано повеќе од триесет научни и стручни трудови пред да му здосади и да одлучи да ја следи својата страст да стане писател. Пред да почне да ги објавува своите романи, објавил неколку стрипови и голем број раскази. Неговите романи: „Тегли“, „Заследи ме“, „Наследство: Прозорецот“, „Зборови“, „Тајни“ и „Наследство: Кошмари“ е меѓу најчитаните дела од македонски автори. Живее во Охрид, работејќи како туристички водич и уредник на електронското списание за литература и друга уметност „(е)Лит“.